**Gílangkuk lígang Longédo
🔸karchang takar**mising poem
Gínmur polobísín lubídung
lígangké gínam doyíngém ,
donyíbísín líyumné bédu gasorém
gétumsudung donyí o:angkolo,
Síngí appuné punyíla punsa:dung
Ka:poné dumsíg sírkép do
híndur ko títlígta:nampé.
ménamoi oiyenga ka:duyé ka:mayé,
Télé ésar sarné a:nsínédésin
lígang doyíngém lutadbídung.
No ka:duyé ka:mayé télé domírtok yíngoné mukkangdém ?
Ayíré ka:mabong ,okum koktok lo
Ménam gamíg kokki su:myar tobo méboné e:gedém,
Yétsa:tobong nok ríbí gaséng dém.
Sídé A:né ruyísé sé:sin rongamé
O:lung kolígné ta:ní dokksín nítomé
yo:gadungku lípong a:rulo,
ra:mné mo:lamané ta:níyémpé míttub
tu:tokla du:ng pímug ajonbí nok yariém ka:pamala.
Nok a:lagkokki sa:gbípayé
Nogjín poro apongém tíla tíngursu:yérung nok ayang a:rug a:lang lo.
No gídokung émnangéi
Ngok ayangélabso pa:yégla métung
bojérungko nitomém ta:tngaksu:la ma:dopé.
Lékopé so:lang kupé gumragém
Kékonse gumragé,kékonélé gumragé.
Korígsukupé a:né kékonsopé
No gídoku émmílo,
méyok su:la du:mapéka taon ésarém pa:la
do:lung so:k asin mépomoné ésarké doyíngém.
misingpoem
