 |
| Karsang takar |
Ayanam Aino kolopé
Babuk rébinam yi:nyí la:nyi inchiné saikel dém naréngopé mo:pídubong, magbok ollung koríksukolosing gunjí du:kai sudubong Aéna nommém korígsunam légapé ,Ollung dukai su:nam kala magbo méglung bí ngérmanna lu:to yígobí sékoméi a:nla ,ollungo sopé gítídusong ,ngo anyísula ,anyí anyíla pétu aríglok ménjékgém ménpaknémpé mosula duggekang,nok amínodém jé míntégla lutéyémilo anyí lok mépola sobo-ménjég ménmayén sékobín. A:npadung namponé aríkosin , obonori ruyíngélok pétu péredé mépo yírbídung lígang gínam ko a:npala. Ané ruyíolok pímugésin to:lo bo:lopé ésarké lédudo sarni dung sékoméi ka:la sébidusong. Aénoi Kaduyé , béle donyí oangkolém ka:pé liyumdují odokké kaduyé síngí isíng ké líné potupé génamdém ,lígangké légang éddiko sebidují .Kamabong aéna télé gínmur polodok líganglongékolopé , No gílankuk town asubém pítugsugéla jins,suridarém mégéla ,No géla gílankuk polo takarémpíné gamíg tínam ríbígaséngdém tíkom sula . Mépoyépé régamém nok abírbirdug géjubdém ,nok doyíngém baré rékampé . Kouwang bí kapé amík modumlo déngéla nguluk modumso gílalankula kombong polodo tutok mu:ddakkují nosín édémémpé ríyablankuk régam mittublo.
Émpei kíndag no pajok egém su:mjodak émna, gumrag songkolo nitomém tomkíndag émna , minémíjíngém ala:g ríyídla nogjín poro apongém bíkíndag émpilai dolung taníyé aipé médak nommém. Kamabong lígang tolopé ,lígang émna okkomsínei lagímang gíné dítag lok nokké bínam érkok déméi lékoda turob sukupé. Lagídak nok ayang ko ,dolung lottaso lénkan su:la égíng gérla so:bínamko édéyam ayang kogségko palayélang.Aéna gílangkuk lígang írdíso .No gíyé émmílo panoi jonki Ollung kénkolo royala duyé ngo,Saikel dém ra:go ruyído níyotla.
Ayangé bojéko dung,agomésin, Ayang okumé parí réla nokké légangé.
nokké ménam
"Gípun"
karsang Takar
Lokhimpur
