সলনি হবৰে হ'ল
বিশেষ কাৰণতে আমাৰ চাৰিকাষৰ পৰিৱেশ পৰিস্কাৰ হৈ থাকে যেনে দেশৰ ৰাষ্ট্ৰপতি বা দেশৰ প্ৰধানমন্ত্ৰীয়ে কোনো এটা দিন নিৰ্ধাৰন কৰি অহাৰ পূৰ্বেই আহিবলগীয়া ঠাইখন বা জিলাখনৰ ৰাস্তা-ঘাটবোৰ ৰং কৰি সজোৱা হয় ,চাফ-চিকুণকৈ ৰখা হয় আৰু এনেধৰনৰ উদাহৰণবোৰ টি বিয়ে ,বাতৰি-কাকতে ছবিবোৰ দেখিবলৈ পাইয়েই থাকো । যেনেকৈ ঘৰলৈ আলহী নাহিলেওঁ ঘৰখন চাফ-চিকুণকৈ ৰাখো নিয়মশৃংখলাত ঠিক তেনেদৰে আমাৰ চহৰখন বা গাওঁখনক পৰিস্কাৰকৈ ৰাখিব নোৱাৰিমনে? মানি লৈছো যিখন দেশত বা ৰাজ্যত বিমল-গোটকা,শিখৰৰ বেনাৰ ডাঙৰকৈ বনাই বিজ্ঞাপন দিয়া হয় এইখন দেশত নিশ্চয় বিমল,শিখৰৰ প্ৰতি আসক্তি হোৱা মানুহ থাকিবই আৰু আছে কিন্তু এইবুলিয়েই নিজৰ আপোন চহৰখনৰ বাটবোৰত পিক পেলাই পৰিৱেশ বিনষ্ট কৰিবটো নালাগে । এটা নিৰ্দিষ্ট স্থানত এই কাম কৰক । কাৰণ এই পিকৰ দ্বাৰা পৰিৱেশ বিনষ্ট হোৱাৰ লগতে বেমাৰ বিয়পাৰো কাৰণ থাকিব পাৰে যিটো আমি জ্ঞাত । তাৰ পিছতো নকৰিবলগীয়া কামকেই বাৰে বাৰে কৰা দেখা যায় কোনোবাই গাড়ীৰ ভিতৰৰ পৰা আৰু আনকোনোবাই বাইক চলাই গৈ থাকোতেই । আমি এনে কামবোৰ বেলেগ স্থানত কৰিব নোৱাৰিমনে ? বাৰু ! আমি আমাৰ চহৰ বা গাওঁখনৰ বাটবোৰ সুন্দৰকৈ ৰাখিব নোৱাৰিমনে ?আহক আমি এনে সংকল্পমূলক কাম সমুহ অভ্যাহত ৰাখো ॥
নাম:- তপন পায়েং
ঠিকনা
জিলা:লখিমপুৰ
৬০০২০৭৬৮৮৬
