Nébíng
Donyí bí ohayéku bélé kémpékné adílo gíyoksudung ..Édém kala poloké ager tarungé gérrobsadubong Kampo Kampola. Mising érangé émpéi kíndag yumdéng ayír ayémílo serakídém rommabpé dulamang émna...
Léngkanpénam 1:- Néng mílbodé géngkamusuyé ,mílbodé along tíngur su:la simadné íkí(ইকি) démpé ratíla duyé,édém kala luyé né:dé ..
Nédé :-- Aí ta:níya ,No sémpéi apong tíla tíngur su:la dutíyébon.(ayangola lípong tormapé luyé)
Mílbodé:-- okko lékoda lukítokuka,nok babkéméi tíla dung , sokti ase ghat aatir Homaan bhol ase kheti korisu apong kamei,No lupénédé. Sékon (mipakpé lutéla luyé aglingola)
Nédé :-. Élo nok ba:bína aríg ísíng íla kumsung do la:ngabítuné. Aaéké ta:ní amírdém ka:sumanei kiti kiti dolkang démyang déryang ka:boné...Ro:yumé ka:mapé ka:mapé amík okum okum do gígo gígola tíla tíngur su:la dutíyéné...(Géla luyé)
Milbodé:---. Aai no lu:bad duneí míttub kémdopé dupéya su.
Nédé:--- Dolung ta:níya gogalítomang,,kílíng tíngabla tíyémílo kapéi gogayéné,...lésumayén sékoi tíngabmaégam okumdokké gíyíng kunamém kínma mayémílo.
((mílbodé agom tatla apong tíla duyé mínédé lutíla duyé))
Nédé:--- Éddíko luyébon,,Apongém tíbatsula tíyoka émna ,,bélé baí birmoti milbodé tíbatsula kensarpé íla si:kang édé doyíngdém éddiko luyébon..
Mílbodé:--- émmílo bélé tungkatik mílbodé kapé sikan bítung ngokkémpé amík okumdo gígola tímangai émmílo kapé síkan.
Nédé:--- Ngokk agomém ta:tkin tokumang,..
Mílbodé:-- Apong dé arú batík písedteí.
Néngdé:--- Bímang émdung ma:lang ..bímang.(agling bejar la luyé édé tatla é:mé métung kokkí ményé agom lula)
Mílbodé:--- Okko okkoo.......!!! (Okum koktoklo nédé jéla jéla kabla duyé)
Nédé:--. Ngo ka:píné ta:nído amíl gípa su:toné....(dorí ríla kabyé)..(koyyukébo bínyék géngka mínsul dudokkébo potin po:la duyé jaríyum bílang oi bírmé appunbí,Jaríyum bí bínyék géngka mínsunamdé ka:la lutumyé.)(Ané okum koktoklo kítík ruyid duyé)
Jaríyum:----. O:é. Bí nom aimané agomko lu:mada ,Ba:bu no apongodém tíbadsulamín tíyoka émdag.(((Naréngopé rémakla luyé)))
Mílbodé(abudé):---- Okko lékoda lukítokuka ,Nokkémpíné petor puwaliyodé.Oddokké nom lumangala:ng skullém gíyobongka émna ...Bélé ajay gam omédém ka:yírsumanei no arunasolo:lo nébíngpé dungéla a:né-abudém u:la métung..((lípo tormola luyé))
jaríyum:--- Ma ma ba:bu ngo skull gíyé Bottan ta:nípé íyé.(Jaríyum ké agomdé ta:tla yirla yirla luyé))..
Milbodé((Abudé)):---okko. Bottané tanipé iyé ,,Aah aah...néng taníyém okolai bottané ta:nípé ínam ka:nkítangnei ....Ya:mpo arunasolokké ta:níyé gíyé murkong bígablai métung abo:ng.
Jaríyum:--- Ma ma ba:bu ngo gímin kumang,Bu:lu a:íman ta:níyé bu:lu ta:níyém mokéla do:dak ..((kabla kabla luyé))((Agom kídardém koktok dokké jésala luyé nédé))
Nédé:--- No ka:píl símaboné a:í konam amongdokké murkongrémsín pímala.Su:pak abín omédémsín kopa:kpé méduboné...
A:kon longédo
Léngkanpénam 2:- Arunasolokké taníyé okum do gíala jaríyum bím gíboyéku.Okumdokké appíng taniradé kapyé ,Abuodé ka:bmayé arunasol taníkídardok bínam murkongdém hisapla/ kíla mépola yíryum sula duyé.
Jaríyum:--- Oé oé ngo gígemang,((kabla kabla luyé )((arunasol tanidé luyé))
Arunasol Tanídé:--- Éi sinta korneka jarurot nehi hamara bassi ki tarah rakenge ,Bas hamara bassi ko sombal na hein..our koi kaam hi nehi..
Édé ayír do dolung dokké kínné panné régamém írponkírmopéné yaméko gía:yé oddokké luyé
Yamédé:-. Aa:í. Baboya Okko ípé émna léndun ,Amík okum do sémpé nébíngpé bímolo aiyélang,...Bíkké jiboné borbad pakyéma:lang..
(( Jaríyum ké. Abudé okum tungé ta:léngdokké jéla luyé))
Jaríyum ké babudé :--- Éi. Éi. Ruwad lurí lutí poyoka,Murkong pérasé murkongé. Buksang kumala ,Apongé. Típang kumala lípongé diggédung....
yamédé:--- Apongé......!!!!
Jaríyum ké ba:budé :---. É é apongé no sékon lu:apéné ngok ommé ,ngok agomé arunasolo biyéné ítanagaroloi bíyéné édé ngo doyíngé ..no supak pongkokso lua:poyok....!!((Bésera bikké agomdé ta:tgéla yamédo aso:mpé da:kyéku)))....
Arunasolo tanídé garikokki jaríyum bí gíbodakku..Édé ka:la bírmé délang a:né ka:bla duyé))
((((After six months later))
Tv yé news do ,Facebook é whatsapp do lutadé lényé...Sémpé...
(((Jaríyum émna konédokké dungko íradokké. Taníyé. Bím rap géla ,lamté ruyído mokegéla yobla ménam doyíngko le:nyé)))
(((Lutad dém ka:ngéla okum írang ta:níyésin ka:bla duyé,...Abudé aso asopé kinsuyéku. Oko ímurém íto émna...))
(((Jaríyum ké ta:ní simadém ka:la ka:btíla duyé)) Édé. Ayír do popéké ya:médo gía:yéku,Bím kangéla abudé ka:bla ka:bla lu:yé...
Abudé:----. Ruwad nokké punam agomdé sílo tatya:mílo su:pak ngasod sém ka:pa supa:mangai...(miksí díla luyé)
Jaríyum ké oédé:-----. No agom appír kosin lu:yo ,Ommang do:pak su:nésé,No arunasolo bílík ma:yamílo sémpíné ayírém ka:pa mayépé...((Aaglíngla luyé kabla kabla ))lékoda luyé
jaríyum ké anédé. :--- Arunasol dokké ta:nírokké okkosíneí Ímurko ka:mang ímurdém ngoluk pa:k mo:suto..appídé abudokké. Doyíng..Murkong Ka:pala omédokké yírnamémsin kabeg to:mang..
((Abudé luyé ka:bla))
Abudé :--- Élo,Appíng dé ngok ímuro ,Jaríyumbí skull gígela bottané ta:nípé ílídagai,, Ngom kabla kabla lubísudungaí ngomín ta:tkíntomang,...Ngo lukang bím konéng Ommang ta:níyém okolaí po:la Bottan ta:nípé ínam ka:tunéi....
yamédé luyé:--- A:í. Baboya no oko modum do du:n. , No supéi kínman...Siyum sírok konengé ko:ém ya:sín déryang ka:ngkubo...Mopíso bottané. Ta:nípé...íla ...Kiron vedik amín ta:tkítang,Kolpona Chawlak amín ta:tkítang,Baséndrí Pal ké amín ta:tkítang,, Bulusong konéngan......!!! Sím síro ko-konéng agomé ka:tokumang appindéi léko ka:nkubong..
(((Bíkké agomdém ta:tgéla abudé lu:yé)))
Abudé :--- É é ruwadé jaríyum bísín ludak édémpíné doyíngém ..Ngomín ta:tkíntomang...(((kabla luyé))) É é supak pasu:tobong lékoda édémpíné ímurém íkumabong régamé sé oí otér konéng sémsín po:raí yékubo bottané ta:nípé ba:tmoyé...Régama lékoda bíkuma:bong arunasolopé,Régamé nulusín bíyoka..Oddokké régamé amík amík okum okumlo,Lamté ruyído tétla apong tínam métobong, régama...Kayé régam kaí ngolu télé donyí Lingkotopé gílai..
_____________The End_________
